Back سلطنة جوا Arabic Gowa (Reich) German Sultanate of Gowa English Gowan sulttaanikunta Finnish Royaume de Gowa French Kesultanan Gowa ID Gowa (stato) Italian Kesultanan Gowa Malay Султанат Гова Ukrainian 戈瓦苏丹国 Chinese
Kasultanan Gowa utawa kadhangkala tinulis Goa, iku krajan gedhé sing ana ing laladan Sulawesi Kidul. Rakyat krajan iki asal saka Suku Makassar sing manggon ing sisih kidul lan pasisir kulon Sulawesi. Wewengkon krajan iki saiki dumunung ana ing tlatah Kabupatèn Gowa lan sawatara pérangan laladan saubengé. Krajan iki duwé raja sing paling misuwur kanthi sesebutan Sultan Hasanuddin, sing wektu semana ngayahi paprangan sing dikenal kanthi jeneng Perang Makassar (1666-1669) nglawan VOC sing dibantu déning Krajan Boné sing dikuwasani déning siji wangsa Suku Bugis lan rajané Arung Palakka. Perang Makassar dudu perang antarsuku amarga pihak Gowa duwé sekuthu saka kalangan Bugis; semono uga pihak Walanda-Boné duwé sekuthu wong Makassar. Perang Makassar ik perang gedhé dhéwé VOC sing ana ing abad angka 17.